Dienstag, 21. Juli 2009

Jo mei, was söll ma do säga!? Gestern sind mir mit da Fähre eba übro Lysefjord in Richtung Bergen ufbrocho. Als erstes hio i no a paar Bildle vom Lysebotn- Fürwehrhus gmacht. Denn hend mir amol scho verkehrt uf dFähre uffe fahro müoso weil mir dio ersto gsi sind wo wiedr abar hend wello, bi am klenno Hafo wo sus sealto uona usstigt. Döt hend mir a tolls Strößle fahro künno, a klenne, so wio zu mir huom, halt teerat.

A wundertolle Landschaft hend mir gseha. A Tal mit am ghörigo Bach und Wald und Stüo so groß wio a Hus. Denn sind mir mit do Zit wiedr uf dHauptstroß ko. Ou döt hend mir an Hufo tolle Sacha gseha wo i do nid alle ufzello mag. Blüos no uos, des Reh am Stroßorand hend mir blüs Fotografiert und nud geasso so wio do Markus des zerscht im sionn ghio heat.

Ga Ikoufo sind mir denn no gango. In Odda, des ischt a größere Industriestadt anoma Langzogno See. Dio hend döt Schwerindustrie, riesige Fabriksgebäude Halbverrostat wo us alla möglicho Kämmenor Rouch und Dampf ussarkut. Irgendwenn sind mir denn endlich an Grimencamping ko, des ischt , wio aufmerksame Beobachter wiossand, üsera bevorzugte Campingplass i da Nöhe vo Bergen.

Zum zNachteasso heat as Spaghetti gio. I hio müoso i do Kuche healfo. Da Gurkosalot hio i müoso richto und so seltsame rote Dinger usnandschnido und da Butzgo ussartuo. Do Markus heat behauptat des Züg gäb as bi üs ou. Paprika töüs hoaßo. Obs dio bi üs ou ohne Schimmel git? Egal, dio grüone furt, dio rote is Hackfleisch, omgrührt und ine in Racho.

Kocha ka so uofach si.

A FEINS BIERLE NO UND DENN, WAS ISCH OU JETZT LOS? AS SCHRIBT BLÜOS NO GROß, JO UF JEDN FALL SIND MIR DENN IS BETT WEIL AS ISCHT JO SCHO VIERTEL VOR UOS ZNACHT GSI. SCHLOFAND WOHL.

Schöne Grüße, Markus und Andy.